यसको निम्ति निशाले अनाथ बालकलाई धर्मपुत्र बनाउने भएकी छिन् । नेपालको कानुनमा ३१ वर्ष नपुगेका नागरिकलाई धर्मपुत्र पुत्री राख्न नपाउने व्यवस्था भएको हुदाँ निशा केही समयका निम्ति पछि हटेकी छिन् । जीवनमा विवाह गर्नैपर्छ र नगर्दा हुन्न भन्ने मानसिकता सार्वजनिक स्थानहरुमा भन्दै हिड्ने नायिका निशा अधिकारी सन्तान सुःखको निम्ति भने अनाथ बालबालिकालाई एडप्ट गर्ने मनस्थितिमा छिन् । यसका निम्ति निशाले अनाथ बालबालिकालाई हेरिसकेको पनि बताएकी छिन् ।
अमेरिका पुगेर निर्देशनको कोर्स सिकेर आएकी निशाले केही समय अघिमात्र सगरमाथाको सफल आरोहण पनि गरिसकेकी छिन् । यिनै साहसी अनि महत्वाकांक्षी नायिका अब विवाहनै नगरी सन्तान सुख उपभोग गर्ने तयारीमा छिन्। निशालाई पुरुषहरुसंग किन वैराग र तीक्ष्णता जाग्यो यो उनको नितान्त व्यक्तिगत पक्ष हो । तथापि उनको यो कदमले केही अनाथ बालबालिकाहरुको उद्धार नै हुने देखिन्छ। त्यसो त हलिउड र बलिउडमा पनि थुप्रै नायिकाहरुले विहे नै नगरी बच्चा एडप्ट गरी सन्तान सुख उपयोग गरिरहेका छन् ।
नेपालको सवालमा भने अनाथ बालकलाई एडप्ट गरी कुमारी आमा बन्ने संभवत पहिलो नायिका निशा हुने भएकी छिन् ।
